Aalisartut angallatikkaartumik pisassinneqartalerusupput

Tamanna anguneqarpat aalisartut toqqissillutik aalisarsinnaanngussasut, minnerunngitsumillu aningaaserivimmut atorniarneq qularnaannerusumik pisinnaalissagaluartoq, Uummannami KNAPP-p siulittaasua Pavia Nielsen isumaqarpoq.

Qaleralinniat ukiunut tallimanut atuuttussamik pisassinneqartalerpata, tamanna bankimut atorniarnermi qularnaveeqquteqarnissamut pitsanngorsaataassasoq, aalisartut isumaqarput.

Aamma qaleralinniat Ilulissaneersut Uummannap eqqaanut aalisariarniartut tonsinik aalajangersimasunik pisassaqareerlutik takkukkaluarpata pitsaasumik nakkutigineqarsinnaassagaluarnerarpai.

Tonsinik aalajangersimasunik tunineqartaleraluarpata. "pisassiiffiusumi uani ima annertutigisunik qaqitsissuutit" - killilerlugit pisassat, killeqareermata, aamma ajunngitsumik tamanna kinguneqassagaluarpoq.

Immikkoortortaqarfiit piumasaat KNAPK-mit aallaqqaammulli isumaqatigineqartoq, siulittaasoq Leif Fontaine oqarpoq.