Aalisartup aalisartoqatini attortiffigigai

Qaasuitsup Kommuniata Upernaviup nunaqarfiini inuussutissarsiutit siuarsarneqarnissaat siunertaralugu ataatsimeersuartsinerani avataanit tikittut ilagaat Ilulissaneersut Halibut Greenlandermiut.

- Halibut Greenlandi ukiut sisamat sioqqullugit aallartinngikkallarmat, oqaluttuarineqartutut atornikuusagut atorpaat massakkut. Imminut akileqqarluni inuuniapiloorneq, Halibut Greenlandip siulersuisuini siulittaasoq, Kaj O. Larsen, oqarpoq.

Kaj O. Larsenip Upernaviup nunaqarfiinit aallartitat inuussutissarsiornermikkut atugarisaminnik saqqummiussisaarnerannit, Ilulissani unammilleqatigiinnerup ammaanneqannginnerani atorsimasatik maanna Upernavimmi atorneqartut takusinnaavai:

- Tassa assersuutigisinnaavara taamatut atugaqarallaratta motooriiarutta imaluunniit motooritaarniarutta aningaasatigut ajornartorsiorneq atortarparput, taavalu arlaannik nutarteriniarutta ingerlaannaq pisaarsinnaasarata. Tassa arlalissuupput taagorneqarsinnaasut, Kaj O. Larsen oqarpoq nangillunilu:

- Massakkut aki atugarisaat appasikkami, takusinnaavagut talittarfiup qaani angallaterpaaluit annikitsunnguamik ajoquteqaraluarlutik qalluinnarneqarsimasut. Tassuunakkut ersereerpoq uagut atornikuusagut massakkut atoraat. Taavalu aamma umiatsiat suli ikapput assaannarmik amuarfeqartut, Kaj O. Larsen oqarpoq.