Aalisartoq ujaarineqartoq toqungasoq nassaarineqartoq
Politiit Issittumilu Sakkutooqarfiup ujaarisaat 63-inik ukiulik, Johannes Jensen toqungasoq nassaarineqarpoq.
Allattoq Jaaku Lyberth, Kenneth Elkjær
63-inik ukiulik Narsamiit pingasunngornermi ualikkut aallarpoq, angerlaqqiganili.
Politiit Issittumilu Sakkutooqarfiup angut qulimiguulimmik umiatsianillu ujaaraat, umiatsiaaqqaminilu toqungasoq ullumi ullup qeqqanut nassaaraat. Narsap eqqaani Sermilimmi nassaarineqartoq, politiit paasissutissiipput.
Ujaarineqartup aappaa aqisserniartoq inuusuttoq suli ujaarineqarpoq. Politiit tallimanngornermi qimmilerlutik ujaaseqqinniarlutik, sisamanngornermi ualikkut nalunaarutigaat.