Aalisartoq tajamik kuultimik nassaarpoq
Aliikkutaralugu aalisartoq qallunaaq Vordingborgip avataani immami ikkattuaqqami Storstrømmimi kuultimik vikingit nalaanaaneersumik nassaarsimavoq.
septembarip 08-at 2010 06:45
Kuulti nassaarineqartoq 150 grammimik oqimaassuseqarpoq, vikingit nalaanneersuulluni.
Aliikkutaralugu aalisartoq taanna iluatsippallaanngitsumik ippassaani eqalunniaraluartilluni kuultimik nassaarpoq.
Angut puisimit 'paamisaarneqarpoq', taamaammat iluamik eqalunngilaq. Iluatsitsivallaannginnami angallammi quleruaatigut immamut isiginnaarusaalersimavoq.
Immap naqqani qillaalasumik tassanngaannaq takusaqarpoq.
Aliikkutaralugu aalisartup 'pisaa' tassaavoq tajaq vikingit nalaanneersoq, qanganisarujussuarnik allalersugaq, ukiut 800-kkut aallartilaarneranni sanaaq. Aalisartup akissarsillualaavinnissani naatsorsuutigisinnaavaa.
