Aalisartoq: Qipoqqaat piniarneqarsinnaalertariaqarput

Arferit uumasutut illernartuutitatut isigiunnaarlugit, uumasutut ajoqutaasutut, soorlu tulukkatut terianniatullu, piniarneqarsinnaalertariaqartut, Sisimiuni aalisartut ilaat isumaqarpoq.
Allattoq Louise M. Kleemann
maajip 15-at 2008 09:42

Marius Olsen-ip bundgarnii qipoqqarmit siorna aserorneqarmata sapaatit akunneri marluk missaanni uninngasariaqarsimavoq, tamannalu minnerpaamik 50.000 koruuninik naleqarpoq.

Marius Olsen aamma isumaqarpoq, arferit akornutaanerat nunatta aalisarnikkut isertitaqartarneranut sunniuteqarnerluttut:

Arferit aalisartut atortuinit nipi atorlugu ingalassimatinniarneqarsinnaanersut Malene Simon-imut, miluumasut nipaannik immikkut ilisimasalimmut Århus-imi Pinngortitaleriffimmilu ilinniartumut apeqqutigaarput:

Nipi atorlugu arferit ingalassimatinniarneqarsinnaanersut sunniuteqarsinnaanersorlu maannakkuugallartoq ilisimanngilarput. Oqaatigaali nunani allani atortunik allanngortitsinikkut arferit pisarisuukkat ikilisinneqarsinnaasut..

Arferit aalisartunut akornutaanerat naalakkersuinikkut qanoq iliuuseqarfigineqartariaqarnerannik Marius Olsen-ip piumasaqarnera, naalakkersuisunit qanoq isummerfigineqarsinnaanersoq unnugu radioaviisimi sammineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq