Aalisartoq kujammukaqqilerunarpoq
Aalisartoq Kujataaniit Uummannamut siorna nuuttoq ilaquttani ilagalugit Kujataanut maannakkut utiinnartussanngorpasippoq.
Allattoq Jokum Nielsen
Aalisartoq Uummannamut nuukkaluarpoq nuliami Inunnik Isumaginnitseqarfimmi pisortanngornera pissutigalugu.
Aalisarnermut Piniarnermullu Naalakkersuisoq Finn Karlsen oqarpoq qaleralinniat amerlassusaat naammareersut.
Qalerallit piujuaannarnissaat qulakkeerniarlugu Uummannami Qeqertarsuullu Tunuani 1997-imili aalajangiunneqarpoq aalisartut amerleqqissanngitsut.
Taamaammat qaleralinniut ataaseq taamaateqqaartariaqarpoq allamik qaleralinniamik aallartittoqassappat, tamanna politikerit inuutissarsiornermullu pisortat ilsimareerpaat, Finn Karlsen Radioaviisimut taama oqarpoq.