Aalisarnermut naalakkersuisoqarfik: Inatsit naapertorlugu avaleraasartuunik agguaassisoqarpoq

Aalisarneq pillugu Inatsit naapertorlugu avaleraasartuunik agguaassisoqarpoq. Aalisarnermut, Piniarnermut Nunalerinermullu Naalakkersuisoqarfimmi pisortaq, Jørgen Isak Olsen tusagssiorfinnut nalunaaruteqarluni taama allappoq.
Assi © : Amy Groark/Flickr Creative Commons
Allattoq Sandra Meinecke
juunip 03-at 2015 05:20
Nutserisoq Simon Uldum -

Ukioq manna avaleraasartoortassanik agguaassinerup sakkortuumik isornartorsiuisoqareersoq taama nalunaaruteqarpoq.

Isornartorsiuisut ilaatigut tassaapput illuatungiliuttut, NUSUKA aamma KNAPK.

Taakku ugguaassineq tulluanngitsumik ingerlanneqarsimanerarlugu ilaatigut isornartorsiuipput.

- Naqissuserlugu erseqqissarusuppara avaleraasartuunik pisassiinerit tamarmik kinaassusersiorani aamma piviusorsiortunik tunngaveqarluni pisimammata, aamma inatsisit naapertoqqissaarlugit pisassiisoqarluni, Jørgen Isak Olsen tusagassiorfinnut nalunaarummi taama allappoq.

AAMMA ATUARUK Ukiormanna avaleraasartoortassat kiisami agguaanneqartut

Ilanngullugulu oqaatigaa nunaqavissunut ukioq manna avaleraasartoortassanik agguaassinermi nunaqavissut siornamut naleqqiullugu peqataatinneqarnerusut nalilerlugu.

Ingerlatseqatigiiffiit ikinnerpaamik tallimat sinerissap qanittuani aalisartunit piginneqataaffigineqarput.

Umiatsiaararsortut aalisariutiniluunniit aalisartut katillugit ikinnerpaamik 250-it ingerlatseqatigiiffinnut piginneqataasut, taama allappoq isornatorsiuisoqarneralu tupigusuutiginerarlugu.

Ukioq manna avaleraasartoortassat katillugit 85.000 tonsiupput.

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk