Aalisarnermut inatsit nutaaq pitsaanerusoq

Naalakkersuisut aalisarneq pillugu inatsit nutartigaq

2007-ip ingerlanerani Inatsisartunut

saqqummiussinnassallugu naatsorsuutigaat.

Aningaasaqarnikkut Ingerlatsineq pillugu Nalunaarusiami Aningaasqarnermut Naalakkersuisup, Josef Motzfeldtip sapaatip akunnerata naanerani saqqummiussaani tamanna erserpoq.

Tamatumunnga atatillugu Naalakkersuisut pingaartilluinnagaat tassaavoq aalisarnermut inatsisit

nutaaq pisariunnginnerulluni paasiuminarnerullunilu

aalisarnerup pitsaanerulernissaanut,

unammillerfiusinnaanerulernissaanut aammalu

akilersinnaanerulernissaanut tunngavissiissasoq.

Tassalu taama pisoqarpat aalisarneq inuiaqatigiinnut

annerusumik tunniussaqarfiunerulissaaq

aningaasanillu isertitsiviusinnaanerulissalluni.

Aalisarnermut inatsisikkut nutaakkut aalisarnerup

uumasoqassusermut naleqquttuunissaa aammalu

nunatta nunarsuarmioqatigiit akornanni pisussaaffiinik

naammassinninnissaa qularnaarneqassapput.