Aalisarnermut inatsit kinguarteqqinneqarpoq
Kattuffiit - Sulisitsisut Peqatiffiat aamma Aalisartut Piniartullu Kattuffiata - aalisarneq pillugu inatsisissanut isumaat ima imminnut ungasitsigipput, allaat aalisarnermut inatsisissatut siunnersuut - inatsisartut ukiaq manna ataatsimiinneranni saqqummiunneqartussaq Aalisarnermut Naalakkersuisup Ane Hansenip peertariaqarlugu nalunaarutigaa.
Ane Hansen Naalakkersuisut sapaatip-akunnikkaartumik tusagassiortunik katersortitsineranni ualeq manna pisumi taama nalunaaruteqarpoq.
Nutaamik aalisarnermut inatsiseqalernissaq ukioq 2003-mili aallartippoq, ukiullu arlallit piareersaasiorneqareerluni ukioq 2007-imi siullermeerlugu inatsisartuni oqaluuserineqarpoq.