Aalisarneq uneqqilerpoq
Qeqertarsuup Tunuani Uummannamilu umiatsiaararsorluni qaleralinniarneq maanna unitsinneqarallartussanngortoq, Kalaallit Nunaanni aalisarsinnaanermut Akuersissutinik Nakkutilliisoqarfik ullumi taama nalunaaruteqarpoq.
Allattoq Elisa Isaksen
Aalisarnermik unitsitsineq, tassa umiatsiaaqqanut angallatinullu 6 meterit inorlugit angissusilinnut atuuttoq, Qeqertarsuup Tunuani aqagu sisamanngornermi oktobarip sisamaanni atuutileriissaaq, aqaguanilu, tassa oktobarip tallimaanni Uummannami qaleralinnik tunisineq unitsinneqassalluni.
Aqutsiveqarfinnili taakkunani marlunni qaleralinniarneq novembarip aallaqqaataanni aallarteqqinneqarsinnaassasoq, Aalisarsinnaanermut Akuersissutinik Nakkutilliisoqarfik nalunaarpoq.