Aalisarneq pillugu inatsit nutarterneqarpoq
Allannguutillu SIK-p suliffissaqartitsiniarluni aningaasaqarfianit Sulisitsisullu Peqatigiiffiannit iluarisimaarneqarpoq.
- Imminut nappassinnaasumik raajarniarsinaaneq ammaaneqarpoq, ullumikkornit amerlanerusunik raajartassiisoqarsinnaanngorluni aammalu allat aningaasaliisinnaanissaat pisariaqartilluinnarneqartoq ammaanneqarluni, GA-p pisortaa, Henrik Leth taama oqarpoq
Jess G. Berthelsen SIK-p suliffisaqartitsiniarnermut aningaasaateqarfiani ilasortaavoq, taanna ima oqarpoq:
-Tamakkiisumik piginneqataalersinnaanissamut periarfissaqarnerulissaagut taamaaliornikkut neriuutigalugu suliffissanik amerlanerusunik pilersitsisoqarsinnaasssoq, SIK-p suliffissaqartitsiniarnermi aningaasaateqarfiani siulersuisuini ilaasortaq Jess. G Berthelsen taamatut oqarpoq.
- Aalisariutinik piginneqataasinnaasut amerlanerusut periarfissinneqarmata tamannartaa iluarisimaarpara, inatsisissamimi tamanna kissaatigineqarpoq uanilu tamanna periarfissiivoq, Sulisitsisut Peqatigiiffianni, GA-mi, siulittaasoq Henrik Leth inatsisip allannguutaanut aamma qilanaarpoq.
Aalisarnermut inatsisip allanngortinneqarneratigut ukiuni kingullerni marlunni aalisarnikkut isertitat affaanik isertitaqarsimanissamik piumaqaat atorunnaarpoq, taaannalu Sulisitsisut Peqatigiiffianni pisortap iluarisimaarpaa:
- Sooq inuiaqatigiinni inuit ilaannai aalisariutinik piginneqataassappat, soormi nunami maani aningaasaatillit tamarmik piginneqataasinnaassanngillat, Henrik Leth aperivoq.
Niuertarfiutilik aalisariutinik piginneqataanissaanut inertinnavianngilarput, Sulisitsisut Peqatigiiffianni pisortaq oqarpoq.