Olsvig: Aalisarneq pillugu inatsit allanngortinneqassaaq
Qinersisoqartussanngorpoq.
Aalisarnermullu inatsisissaq oqallisaasimaqisoq qatangiinnarpoq naammassineqanngitsoorlunilu.
Inuit Ataqatigiit Siumullu akornanni aalisarnermut inatsit pillugu isumaqatigiittoqartuaannarsimanngilaq.
Aalisarnermut inatsit pillugu suliamut attuumassuteqartut qanimut tusarniarnissaat pingaaruteqartoq, Inuit Ataqatigiinni siulittaasoq Sara Olsvig oqarpoq:
- Suliassat aalajangersimasut upernaami ataatsimiinnermi naammassisimanissaat neriuutigigaluarparput, aalisarnermullu inatsimmut oqariartuuterput erseqqissoq, partiitsinnit ukiaq aamma oqaatigineqartoq, tassalu nuna tamakkerlugu naapiffiusumik susassaqartullu peqataatillugit naammassinninnissaq sulissutigaarput, taamaammat massakkut periarfissaqalerpugut aalisarnermut inatsimmut isummatsinnik erseqqissuliornissatsinnut. Tassanilu Inuit Ataqatigiinni siulittaasutut oqarusuppunga susassaqartut tusarnaarsinnaassallugit pisariaqartoq, susassaqartut peqataatissinnaassallugit, Sara Olsvig oqarpoq.
AAMMA ATUARUK Kielsenip qinersisoqarnissaa suaarutigaa
AAMMA ATUARUK Aningaasanut inatsit ataatsimiititaliamut ingerlateqqinneqartoq
