Aalisarneq aningaasaliinerusariaqalerpoq

Siumut partiip aaqqissuunneqarnerani siullermeerluni ilaasortaasut toqqaannartumik qinersissapput, taamaalillunilu tamat oqartussaanerat qanillillugu taasissallutik. Inatsisartunut 1979 qinersinermi inissat 60 procentii Siumut tunuliaqutaralugu qinigassanngortittunit inuttalerneqarput, 2005-imi qinersinermi 32 procentii Siumut tunuliaqutaralugu qineqqusaartunit inuttalerneqartut. Uani erseqqisarneqassaaq, inatsisartuni ilaasortat 1979-imi 21-iummata ullumilu 31-iullutik. Sooq parti Siumut kinguariartortutut taaneqarsinnaanersoq imak siulittaasunngorniartumit tunngavilersorneqarpoq.

Tassami angerfigissavarput Siumukkormiuninngaanniit ullumikkut aniasorpassuaqartoq peqqutigalugu maannakkut saqqummiunneqartut amerlanerpaat qineqqusaarnermi aamma 2001-imi 2002-milu Siumut ataatsimeersuarnerani saqqummiunneqareerput, kisianni ullumikkut piviusunngortitat annikippallaarujussuarsimallutik. Taamaattunmik tupiginngilara qinersissartuvut qimarrammata siumuminngaanniit.

Aaqqitassaat ersarissut suunerat Vittus Mikaelsenimit assersuusiorneqarput:-

Tasiilamiit Qaqortuliorniaruma 26.000 koruuneqarpoq Taamaattumillu taanna arlaatigut aaqqiivigineqarsinnaagaluarpoq ullumikkut misilittagaareersut tunngavigalugit nunat sanilivut annertunerusumik suleqatigalugit.

Qanorlu allanngortinneqarsinnaanersoq jornguata angalasimanerminit oqaluttuarneranik oqaluttuaraa:-Tissinartunngorluguluunniit oqaatigivaa: Timmisartumik sulisut sisamat, nammineq ilaasoq ataaseq, taamaallaat 1400 koruuniinnarmik akiliilluni, uterlugulu.

Aningaasalersornissaalu ilaatigut imak taallugu

Aalisagartassat nunatta pigivai, taamaattumillu nunatsinnut iluaqutaanerullutik, soorlu kiilumut oqarutta 10 øre imaluunniit 1 koruuni, tassa taamaalilluni tunisinermi akiliisussanngortillugit pisaqartussat taamaalilluni nunatta karsianut iluaqutaanerulissagaluarput.