Aalisariutit ulorianartorsiortut

Aalisariutit marluk piginneqatigiiffimmit Arctic Prime Fisheries-imit pigineqartut Nunap Isuani Ikerasakkuakkoorniartillutik sikorsuarnit kiggigussaallutik ippassarli ajornartorsiortinneqalerput.

Angallatit Prime Bibi aamma Prime Edith immikkut tamarmik sisamanik inuttaqartut uloriartorsiorunnaartut siunnerfimminnullu Nanortalimmut Qaqortumullu maanna ingerlaartut, Kangilinnguani sakkutooqarfimmeersoq (Grønlands Kommando) Søren Dreijer ilisimatitsivoq.

Ukioq taamaaligaangat nalinginnaavoq kujataani sikorsuit ajornartorsiutaasarnerat. Taamaammat Kangilinnguani Sakkutooqarfimmiit eqqumiigineqarpoq, sooq aalisariutit Ikerasassuakkoortinniarneqarsimanersut.

-Aalisariutit naalagai akisussaassuseqarunik Ikerasassuakkoortariaqarsimanngikkaluarput, paasissutissammi tamarmik imaaliallaannaq uagutsinnit silasiorfimmiilluunniit pissarsiarineqarsinnaapput, Søren Dreijer nangippoq.

Aalisariutit radioavisimi unnugu sammeqqissavagut.