Aalisariut Aasiaat eqqaani kivisoq
Kalaallit Nunaanni Politiit Aasiaat eqqaani Kitsissuarsuit eqqaannit aalisariummit 39 fodsimit mayday-imik marlunngornermi nalunaaqutaq 16:58 nalunaaruteqarfigineqarput.
Aalisariut kivilerpoq, sumiiffimmilu politiit, Issittumi Sakkutooqarfik sumiiffimmilu kommunefogedi annaassiniarnermik suliaqartinneqalerput.
Pigaartut pisortaat, Aputsiaq Hansen paasissutissiivoq.
Kitsissuarsunni innuttaasut kommunefogedilu ajutoorfiusumut apuummata aalisariutip saava kisimi nuisavoq. Aalisariummillu aquttup isumannaatsumukartinnissaa iluatsinneqarpoq.
Aalisariummi aquttoq pisoqarnaerata kingorna ajunngitsoq pigaartut pisortaata paasissutissiissutigaa.
Politiit misissueqqissaarnermik suli suliaqarput, pisoqarnerali ajutoornermik, immaqa malerujussuaqarneranik usillu oqimaannerannik pissuteqarsinnaasoraat.
