Aalisariummi HAKI-mi naalakkap aalisarnermut inatsit unioqqutippaa

Aalisariummut Haki-mut aalisarnermut nakkutilliissummit Ejnar Mikkelsen-imit misissuartortoqarmat aalisarneq pillugu inatsit arlalitsigut unioqqutinneqartoq paasineqarpoq.
Allattoq Oline I. Olsen
juulip 23-at 2009 09:15

Aalisariutip Haki-p naalagaa Kalaallit Nunaanni aalisarfigineqarsinnaasutut akuerisap iluani aalisartilluni pisarineqarsinnaasut saniatigut saarullinnik aalisartoq, saniatigooralugillu pisat oqimaalutarnagillu pitsaaassusai umiarsuup ingerlarnani nalunaarutinut allattortanngikkai nakkutilliinermi paasineqarpoq.

Saarulliit saniatigooralugit pisarineqartut angissutsimikkut aalisarneqartunut allanut sanilliullugit mikivallaartut kiisalu nalunaarsorneqanngitsut umiarsuup naalagaata immikkoortillugit poortanngikkai aamma paasineqarpoq.

HAKI-mi naalagaasup suliami aalajangiinermut akuersinera aallavigalugu suliaq eqqartuuussivilersuunneqanngitsumik ippassaq juulip 22-ani naammassineqarpoq, Umiarsuullu naalagaa 40.000 koruuninik akiligassinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq