Aalisapiluttoqarsimaneranik nalunaarusiaq quarsaarnartoq

- Inatsisit uniorlugit raajarniarnermi peqquserluttoqarneranik nalunaarusiap saqqummiussai qoarsaarnarput naalakkersuisunikkullu qaffasissumik sulianut atatillugu ilimasaqannginnermik takutitsinerat inuiaqatigiinni puiguinnarneqarsinnaanngilaq, 22-nik ukiulik Miki Andersen Ilisimatusarfimmi inuiaqatigiilerinermut oqaluttuarisaanermullu tunngasunik ilinniagaqartoq taama isumaqarpoq

- Nalunaarusiap saqqummersippaa annertuumik kanngunartuliortoqarsimasoq, inuiaqatigiinnut akisoorujussuarmik kingunerluuteqarujussuarsinnassumillu.

Nalunaarusiami saqqummiunneqartut amiilaarnaannarput,takuneqarsinnaammat atorfiit qaffasinnerpaat aqqutigalugit eqqunngitsuliortoqarsimasoq, Miki Andersen, Ilisimatusarfimmi inuiaqatigiilerinermut oqaluttuarisaanermullu tunngasunik ukiut aappassaanni ilinnigaqartoq oqarpoq.

Inuiaqatigiinni aalisarneq, raajarniarnerlu annertunerpaamik napaniutaatillugit taama paasissutissanik saqqummertoqarnera, assut quarsaarnartoq Miki Andersen oqarpoq.

Nalunaarusiami tusarfiit unnerluutiginnittullu aqqi taaneqarsimanngikkaluartut, nalunaarusiami saqqummiunneqartut affaannaat imaluunniit 10 procentiinnaat ilumoorpata, tamanna aningaasarpassuarnik naleqartoq Miki K. Andersen isumaqarpoq.

- Million koruunerpassuarnik annaasaqaannanngilagut, inuiqatigiinni akissaatikinnerit sulisartut meeqqallu iluaqutigisimasaasaraluaminnik annertuumik aamma annaasaqarput, nunattalu avammut kinaa aamma innarlerneqarujussuarsinnaavoq, Miki Andersen oqarpoq.

Naalakkersuisut iliuuseqarniarpasinnginnerat Miki K. Andersen-ip tupigusuutiginerarpaa, erseqqissarpaa nalunaarusiami eqqartorneqartut uppernanngippata misissuisoqarnissaanik nalunaarusiap naggataani kaammattuuteqartoq.

Nalunaarusiap imaa pillugu inuiaqatigiinni oqilittoqarnissaa Ilisimatusarfimmi ilinniartunit maanna sulissutigineqartoq Miki Andersen oqarpoq. Sulinermut atatillugu kattuffiit oqillinnissamut aamma peqatiseriniarneqartut Miki K. Andersen erseqqissaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat