Aalisakkat tunisassiat amerliartuinnavipput
Saarulliit tunisassiat amerliartuinnavipput, taama Kalaallit Nunaanni Naatsorsueqqissaartarfik, siorna nunatsinni tunisassiornermut atatillugu kisitsisinik saqqummiussani pillugit allappoq.
Saarulliit ukioq 2006-imi tunisat marloriaatinngorsimapput 8.735 tonsinngorsimagamik.
Qaffariaalli piviusunit anneruvoq, tassa ukiup siuliani umiarsuarnut tunitsivinnut qanoq sarullinnik tunisaqartigisimaneq kisitsisaatigineqanngimmat. Ilimagineqarporli 1.500 tonsinik siornatigut umiarsuit tunitsivinnut tunisanit amerlanerusunik 2005-imi tunisisoqarsimassasoq.
Aamma qalerallit tunisat 13 procentimik qaffariaateqarsimapput siorna tunisat 26.000 tonsingajalluinnaagamik (25.978 tons).
Raajat qaffariaataat annikinnerpaasimavoq, to procentimik qaffariarnermikkut 60.540 tonsit tunineqarsimammata.
Assagiarsuit / saattussat kisimik tunisassiani ikileriarsimapput. 27 procentimik ikileriarnermikkut 3.000 tonsingajanngorsimagamik (2.966 tons).