Aalisakkat tunineqartut amerleriarput raajallu ikileriarlutik
Qalerualinnik tunisani 2009-mut sanilliullugit raajat 13 procentimik ikileriarput, saattuallu tunineqartut 9 procentimik ikileriarlutik - tassa taakkunannga tunineqartut katillugit 8600 tonsinik ikileriarlutik.
Aalisakkat siorna tunineqartut, ukiup siulianut sanilliullugit 6.000 tonsinik amerleriarput. Tamanna Naatsorsueqqissaartarfiup kisitsisaataani nutaani takuneqarsinnaavoq.
Qalerallit tunineqartut 11 procentimik amerleriarput, saarulliillu tunineqartut 2009-mi ikileriarujussuareernermik kingorna, siorna 17 procentimik amerleriarput.
Taamaattorli tunisat ataatsimut katinnerini ikileriaallakkaluartut, tunisat nalinginut annerusumik sunniuteqanngilaq, tassami qalerallit, saarulliit, nipisaallu suaasa tuninerini akii agguaqatigiissillugu qaffariaateqarmata. Raajat saattuallu akii allannguuteqanngillat.
Qalerallit 2009-mi kiilumut 7 koruunit 70 øreqaraluarput, siornali 8 koruunit 12 øreqarlutik. Nipisat suaat qaffariarnerusimapput, tassami 16 koruunit 75 ørenit, 26 koruunit 43 ørenut qaffariaramik.
