Aalisakkat pisarisuukkat ikilisarniarneqassapput
Aalisakkanik pisarisuukkanik ikilisaanissaq siunertaralugu aalisarnermut atortunik nassaarsinnaasut Pinngortitaq pillugu nunarsuaq tamakkerlugu suliniaqatigiiffimmit, WWF-imit, unammisinneqalerput.
Allattoq Jaaku Lyberth
marsip 02-at 2011 07:08
- Aalisarnermi atortut nutaanngilivallaarsimanerat pissutigalugu aalisakkat pisarisassatut siunertarineqanngitsut tusindtinik amerlassuseqartut killilersimaarniarlugit aalisarnermut atortunik nutaanik pisariaqartitsisoqarpoq, Pinngortitaq pillugu suliniaqatigiiffimmi aalisarneq immallu pillugit suleqataasoq, Christoph Mathiesen oqarpoq.
Pisarisuukkanut ilaapput arferit minnerit, tassa 300.000-it nunarsuaq tamakkerlugu ukiumut pisarisoorneqartartut.
Saaniluit 250.000-it timmissallu 300.000-it pisarisoorneqarlutik ukiumut aamma toqusarput.
Nordsøp imartaani saarulliit nungutaanissaminnut ulorianartorsiortut pisarisoorneqartartunut aamma ilaapput.
