Aalisakkat mikiartut tunineqarsimapput
Danmarkimi Ålborgimi suliffeqarfinni assigiinngitsuni pingasuni, tamarmik suliffeqarfimmit aalisagaarniarfiusumit, Vesterhavs Fisk ApS-imit, pigineqartuni, inuussutissalerinermut nakkutilliisoqarfimmit, politiinit aamma aamma aalisarnermut nakkutilliisoqarfimmit tipittorujussuarnik nassaartoqarsimavoq. Containerini marlunni qerititsiviit aqqanillit, tamarmik qaminngasut nassaarineqarput. Taakkunannga qerititsiviit qulit aalisakkanik mikiarsimasunik imaqarput.
Tisaffik ipertoorujussuaq sumiiffiit ilaanni ippoq, qularnanngitsumik aalisakkanik tisaffigineqarsimasoq.
Suliffeqarfiup naatsorsuutaani takuneqarsinnaavoq annerusumik tunineqarsimasut tassaasut Norgimiut kapisiliutaat ilivitsuutillugit tunisat, 7-8 kiilunik aamma 3-4 kiilunik oqimaassusillit, kiisalu Norgimiut kapisiliutaat pujuukkat, Danmarki tamakkerlugu neriniartarfinnut tunineqarsimasut.
Qerititsiviit qaavisigut matullit sisamaasut imaat aalisakkat, inuussutissalerinermut nakkutilliisoqarfimmit arsaarinnissutigineqarput, aalisakkallu mikiarsimasut iginneqarlutik.
