Aalisakkanut allanut ikaarsaarnissamut taperneqarsinnaanngussapput
Aalisartut kapisilinniarnermik siornatigut aningaasarsiorluarsimasut aalisakkanut allanut ikaarsaarnissamut ukiuni tullerni pingasuni taperneqarsinnaanngorput.
Kalaallit Nunaanni Aalisartut Piniartullu Kattuffiata KNAPK-p siulittaasua Peter Olsen nalunaarpoq, NASF Atlantikup Avannaani kapisillit pillugit aningaasaateqarfimmeersoq aamma ASF Atlantikumi Kapisilliit pillugit aningaasaateqarfimmeersoq juunip ulluisa aappaanni atsioqatigineqarput.
Aalisartut assersuutigalugu saarullinniarnermut ikaarsaarniartunut ningittakkersuutinullu autoline-nut tapertinniartut qinnuteqarsinnaassapput. Aningaasat ukiumut katillugit 1,3 mio. koruunit immikkoortinneqarsimasut, KNAPK nalunaarpoq.
Aningaasaateqarfiup aamma siunertaraa nunatsinni kapisilinnut qassutinik pisiortornissi, taamaalilluni nunatta imartaani pisassat ikilissammata.
Isumaqatigiissut 2010-p tungaanut ingerlasoq allanngortissappat kingusinnerpaamik 25. apriili illuatungeriit nalunaartassapput.
Nunatsinni nammineq atugassanik aggustip aallaqqaataaniit oktobarip naaneranut kapisilinniartoqarsinnaanera Naalakkersuisut ukiut tamaasa akuersissutigisarpaat.