Aalborgip Universitetiata issittoq pillugu ilisimatusarneq annertusaraa

Immikkoortortaq suliassaqarfiit pitarlugit inuit suliniaqatigiiffiillu Issittumi suliaqartut qitiutillugit suliniuteqarfiussasoq, Aalborgip Universitetitata ilisimatitsissutigaa.

- Ilisimatuut Issittumut tunngasunik assigiinngitsutigut suliaqartut ataatsimoorsilernissaat AUU Arcticip siunertaraa. Taamaalillutik ilisimatuutut misissuinitik ataatsimoortissinnaammatigut ajunnginnerusunillu angusaqarlutik.

Immikkoortortaq ammarneqartoq, AAU Arcticimillu taaguuteqartoq, nutaajunngikkaluarpoq, ilisimatuunilli suleqatigiinnik ukiorpassuarni suliniuteqarsimasunik CIRCLA-mik taaguuteqartunik Issittumilu inuuniarnikkut atukkat pillugit sammisaqartunik annertusaanerulluni.

Nunarpulli issittumilu ineriartortitsineq pillugu soqutiginninneq ullumikkut ima angitigilersimavoq universitetip ilisimatusarneq annertusarusulersimallugu, tamatumunngalu peqatigitillugu Jyllandip avannaani Nunatsinnilu inuussutissarsiutinik ingerlataqartut suleqatiginerulernissaat universitetip aamma neriuutigaa.

- Assersuutigalugu takornarialerinermik ingerlatsisunik suleqateqaraangatta isumassarsinissaq ineriartortitsinissamullu periarfissanik misissuinissaq suleqatigiissutigisinnasarpagut, taakkulu takornariaqarnermut iluaqutaasussaallutik.

Aalborgip Universitetiata saniatigut aamma Københavnimi Aarhusimilu Universitetit issittumi ineriartortitsineq immikkut sammisaralugu ilisimatusarnermut immikkoortortaqarput.