Aalborgip kommunia kalaallinut kammalaataajunnaarsoraa

Kalaallit inuuniarnermikkut ajornartorsiortut naapittarfiat Aalborgimiittoq "Perput" maanna matuneqarnissaa ilimanarsivoq. Taanna ukiup naaneranut taamaallaat aningaasaliifigineqarsimavoq. Pisoq ajorluinnartutut nalilerneqarpoq.
Allattoq Apollo Jeremiassen
aggustip 25-at 2010 05:22

Kalaallit naapittarfii Københavnimiittut kisimik ajornartorsiunngillat.

Perput naapittarfiuvoq kalaallinit inuuniarnermikkuit ajornartorsiuteqartunut, ilaat atornerluisuupput allat angerlarsimaffeqaratik ilaallu peqqiitsuullutik.

- Kalaallinut taakkununnga Perput pingaaruteqartuuvoq, Aalborgimi Kalaallit Illuutaanni pisortaq Jan Thrysøe oqarpoq nangillunilu:

- Aalborgip kommuneata qangaaniilli oqaasinnaara Kalaallit Nunaannut kammalaataanerpaallutik, taamali oqassaarput umiarsualivimmik isumaqatigiissut million koruunerpassuarnik nalilik atsiorneqareermat, Jan Thrysøe oqarpoq.

Danskit naalagaaffiata immikkut illuartittakkanik sipaaruteqarniarnerata kingorna Aalborgip kommunea sipaartariaqalersimavoq.

- Isaasalerlugu Kalaallit Nunaata kammaginerpaasaata aningaasat nassaarisariaqaraluarpaat naapittarfiup Perpup ingerlaannarnissaanut, Jan Thrysøe naggasiivoq.

Perput ukiumut 600.000 koruuninik Aalborg kommuneata tapiiffigisaraluarpaa, taama tusagassiortoq Johannes Mathiassen Aalborgimiit tusagassiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq