Aalborgimi Kalaallit Illuutaata pisortaa taamaatippoq
Maannamummi pisortaq Søren Stach Nielsen ukiut sisamaat avillugu sulereerluni pisortatut maajip aallaqqaataani tunuassaaq. Kalaallit Illuutaat nittartakkamini nalunaarpoq pisortaq taamaatinniarluni aalajangersimasoq, tamatumunngali peqqutaasoq oqaatigineqanngilaq.
Nutaarsiassami atuarneqarsinnaavoq Kalaallit Illuutaanni pisortatut ineriartortitsillaqqissuusimasoq.
Kalaallit Illuutaat Aalborgimi illoqarfiup Grønlandskvarterianiit illoqarfiup qeqqanut nuutsissimavaa. Taamaaliornikkut illu ersarinnerulersinneqarpoq.
AAMMA ATUARUK Naalakkersuisoq for Uddannelse: Ikke et ansvar for de grønlandske huse
Taassuma saniatigut illup anguniagaa nutaaq suleqataaffigaa. Siulersuisut taanna pisortartigoortumik ungasinngitsukkut saqqummiunniarlugu nalunaarput.
Aalborgimi Kalaallit Illuutaanni pisortatut atorfik inuttassarsiuunneqassaaq, piaartumillu inuttalerneqarluni.
Ukiorpassuarni Namminersorluni Oqartussani allanilu atorfeqareerluni Søren Stach Nielsen aggustusip aallaqqaataani 2014-imi Aalborgimi Kalaallit Illuutaanni pisortanngorpoq.
AAMMA ATUARUK Peqatigiiffik Aalborgimi kulturimik nutserisortaarusuttoq
