Aalborgimi kalaallit atugarliortut ornittagartaassapput

Aalborgimi eqqaanilu kalaallit atugarliortut imigassartorfiunngitsumik ikiaroornartunilluunnit atuiffiunngitsunik ornittagaqalissapput, kalaaleqatiminnik eqqissillutik oqaloqatiginniffigisinnaasaminnik.
maajip 19-at 2009 08:03

Ornittagassaq Naalagaaffimmi pissutsinut ministereqarfimmit Isumaginninnermullu ministereqarfimmit maanna tapiissuteqarfigineqarnialerpoq, Kalaallit Aalborgimi Illutaat 2010-mi 665.000 koruuninik tapiiffigineqassalluni.

- Danmarkimi kalaallit atugarliortut Kalaallit Illuutaata ikiorserusuttorujussuuvai. Nuannaarutigeqaara ornittagassaqalissammata, kalaallimmi toqqissisimasumik eqqissillutillu taamaallillutik kalaaleqatiminnik oqaloqateqarsinnaanngussapput, Naalagaaffimmi pissutsinut Isumaginninnermullu ministeri, Karen Ellemann, Venstreneersoq, TV2-Nord naapertorlugu taama oqarpoq.

Kalaallit atugarliortut siunnersorneqarnissaannut ikiorserneqarnissaannullu ornittagassaq atorneqassaaq..

Ornittagassaq taaguuteqassaaq "Perput", Kalaallillu Aalborgimi Illutaata ornittagassap pilersinnissaa suliniutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq