Aalborg Nuullu pikkorissarnernut suleqatigiipput
Sulisut ulluinnarni meeqqanik inuusuttunillu inuttut atugarliortunik, taakkulu ilaqutaannik, ulluinnarni sulinerminni suliamik ingerlatsinerminni piginnaasaasa annertunerulernissaat piginnaasanik annertusaanermi siunertaavoq.
Meeqqat Inuusuttullu Illuat, Mælkebøtten, Kommuneqarfik Sermersuumi Atugarissaarnissamut ingerlatsivik, aamma Aalborg Kommunemi meeqqanut inuusuttunut ilaqutariinnillu Sullissivik suleqatigalugit pikkorissartitsinissamik isumassarsisuuvoq.
Aalborgip Nuullu, illoqarfittut ikinngutigiittut, suleqatigiinnerat Kommuneqarfik Sermersuumi borgmesterip, Asii Chemnitz Narupip, nuannaarutigaa. Erseqqissaatigaalu meeqqat inuusuttullu atugarliortut, taakkulu ilaqutaasa, sullinneqarnerisa nukittorsarneqarnissaat, politikkikkut salliutinneqarluni maanna suliniutigineqarmat.
Suliniut Aalborgip Kommuniani isumaginninnermut siunnersortip, Mai-Britt Iversenip, aamma ilassilluarpaa, erseqqissaatigalugulu suliamut tunngasunik ilisimasat kisiisa eqqarsaatigalugit Aalborgip Kommunia tapersiinngimmat, Kalaallit Nunaannili meeqqat inuusuttullu atugarliortut, kulturi kalaallillu inuusaasiat Aalborgep kommuniata nutaamik aamma paasisaqarfigissagai.