Aalakoortunik biilertoqanngilaq
Nuummi politiit sapaatip akunnerata naanerani aqqusinikkut biilertunik misissuigamik aalakoorlutik biilertunik naammattuuinngillat.
Allattoq Bikki P. Kleist
Politiit tallimanngormat angallattunik misissuigamik 130-t biilertut misissorpaat, misissuinermilu aalakoortunik naammattuuisoqanngilaq. Sapaatip akunneratalu ingerlanerani misissuisoqaqqimmat biilertut 20-t misissuiffigineqarmata aamma biilerlutik aalakoortunik siumuisoqanngilaq.
Taamaakkaluartoq sapaatip akunnerata ingerlanerani aalakoorlutik biilertut pingasut naammattoorneqarsimasut politiit nalunaarput.