Aalakoorlutik meeqqaminnik sumiginnaasut pingasut nalunaarutigineqarput

Sapaatip akunnerata naanerani Nuummi anorersuallarmat, annertuumik ajoqersertoqanngilaq, annikitsiuinnarmilli aqqusinermi ajoqusertoqarluni. Nuup illoqarfiata ilaani Qinngorpumi sanaartornermi atortut teqqaasimapput, teqqarnerannili illut eqqorneqarsimanngillat.
Allattoq Jaaku Lyberth
novembarip 19-at 2007 15:18

Angajoqqaat alakoortut meeqqaminnik mikisunik sumiginnaanerat pillugu, Nuummi politiit pingasoriarlutik attavigineqarput inunnillu isumaginnittoqarfimmi sulisut attavigineqarlutik.

Nuummi politiit sapaatip akunnerata naanerani 14nik nalunaarusiorput, angerlarsimaffinni eqqissiviilliornerit aqqaneq marluk, imigassartorsimanermut atatillugu eqqissiviiliornerit qulit aqqusinermilu eqqisiviilliornerit marluk politiinut nalunaarutineqarlutik.

Arnaq 45inik ukiulik tallimanngornerup unnuaani aalakoorluni politiit biilinik ingerlaartut nilliaffigivai fuck yourfigalugillu.

Taamaaliortoqaqqusaanngilarli, ingammik ikiaroornartumik Hashimik kaasarfimmioqaraanni, Nuummi politiit nalunaarusiaminni allapput. Arnaq 45inik ukiulik parnaarussivimmi unnuisinneqarpoq, aqaguanilu aniguisinneqarpoq, 1.500 koruuninillu akiligassinneqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq