Qalasersuaq pillugu immikkut ittumik aalajangersagaliortoqarnissaannik Pinngortitaq pillugu Nunarsuaq tamakkerlugu suliniaqatigiiffiup siunnersuutaa danskit naalakkersuisuinit itigartinneqarpoq.
Qalasersuarmi uuliasiortoqartoqarsinnaannginnissaa gassimillu qalluisoqartalinnginnissaq angujumallugu Pinngortitaq pillugu nunarsuaq tamakkerlugu suliniaqatigiiffik taama siunnersuusiorpoq.
- Kingunerlussinnaavoq. Paasiuminaappoq, ilisimatusarnermut ministerip Helge Sanderip nutaarsiassaqartitsivimmut Ritzau-imut oqaatigaa, nangillunilu:
- Uuliamik gassimillu issittumiittumik iluaquteqarsinnaannginnissatsinnik siunnersuuteqartoqarmat paasisinnaanngilara, Helge Sander oqarpoq.
Rusland, Canada aamma USA Qalasersuup imaartaata ilaannik piginnittussaanertik assortuussutigilereeraallu Pinngortitaq pillugu nunarsuaq tamakkerlugu suliniaqatigiiffik Qalasersuaq pillugu aalajangersagaliortoqarnissaanik siunnersuuteqarpoq.
