Aajap naalakkersuisut eqqaaseqqinniarpai
Danskit naalakkersuisortaavisa Pituffiup atuunnera Kalaallit Nunaannut annertunerpaamik iluaqutaanissaa sulissutiginiarpaa. Naalakkersuisuutitaqalersut tunngavigisaani taama allassimasoqarpoq.
Nalunaaruteqarneq Aaja Chemnitz Larsenimut nuannaarutaasoq. Taamaakkaluartoq pitsanngorsagassanik suli peqarpoq.
- Pituffimmut tunngasunut annertunerulaamik pingaartitsineq aamma erseqqinnerusunik sinaakkutaqarneq maqaasilaarpakka. Pituffik pillugu tapersersorneqarneq, Aaja Chemnitz Larsen oqarpoq.
Venstrep isornartorsiuisarsimanini eqqaamassavaa
Taassuma erseqqissaarpaa Venstrekkut illuatungiliuttuugallaramik pituffik pillugu tapersersuisoqallaqqittarnerat. Suleqatigiinneq Chemnitz Larsenip Venstremut eqqaasissutigerusutaa.
Naalakkersuisuusimasut pituffik pillugu ingerlatsinerannut isorinninnerpaat ilaat maanna Inuussutissarsiutinut ineriartornermullu tunngasunut ministeriuninngorpoq.
Aamma atuaruk Pituffik pillugu ammasumik ingerlatsisoqarnissaanik Venstre piumasaqartoq
Taannalu isummersuutigisarsimasaanik eqqaasinneqaqqittassaaq, Aaja Chemnitz Larsen oqarpoq.
- Taakkua ilaat Pituffimmut tunngasunut suliamut tapersersortigilluartarnikuuarput, taannami tassaavoq Troels Luns Poulsen, naalakkersuisuusimasunut isornartorsiunermini erseqqissuliortarsimavoq oqarluni suna tamaat qaqinneqassasoq.
USA-mut ataatsimoorneq
Naggataatigullu Chemnitz Larsenip neriuutigaa, danskit naalakkersuisunngorlaat illersornissamut isumaqatigiissutip isumaqatigiinniutigineqaqqinnissaa ammaffigissagaat.
- Taamaalilluta USA-mut tapersersoqatigiissinnaavugut.