Aaja Chemnitz Larsenip Carles Puigdemont ataatsimeeqatigerusunngikkaa

Ataatsimiinnerit ataasinngornermi marlunngornermilu pissapput.

Politikkerillu arlallit, Inuit Ataqatigiit folketingimi ilaasortaatitaat Aaja Chemnitz Larsen assigalugu Puigdemont ataatsimeeqatingerusunngilaat.

- Imaanngitsoq cataloniamiut siuttuannit politikkikkut sunnertinnissara ernumagigakku, piffissarali iluamik atorluartariaqarakku peqataassanngilanga. Kalaallit Nunaannut tunngasunut nukikka atorusunneruakka, Aaja Chemnitz Larsen Sermitsiaq.ag-mut oqarpoq.

Savalimmiunit folketingimi ilaasortaq Magni Arge cataloniamiut siuttuannut ataatsimeeqatiserinnilluni Folketingimut qaaqqusisuuvoq. Partiillu arlallit ilaaniaratik kalerriinerat tupaallaatigaa.

- Peqataasussat Puigdemontimut tapersersuitut oqaatiginiarneqarnerat peqataannginnissamut tunngavilersuutigineqarnera naapertuutinngilaq, Magni Arne oqarpoq.

- Cataloniarmiut pissaaninitsereerpaat, Magni Arge Tjóðveldi partiianneersoq oqarpoq.

Nunat allat pillugit, Kalaallit Nunaat Savalimmiullu pillugu ataatsimiititaliat Puigdemont ataatsimeeqatiginissaanut qaaqqussaapput.

Socialdemokraatilli, Venstre Liberal Alliance de Konservativellu ataatsimeeqataassanatik nalunaarutingereerpaat. Aaja Chemnitz Larsen aamma peqataassaanngilaq.