Taamaammat tamaani pisassiissutit annikitsumik apparneqarput, tassa 64-inngorlutik.
Qaanaami aaffattassat appartinneqarmata saammarsaatitut umimmattassat siusinnerusukkut amerlineqarput, tuttutassallu ukiormanna nikisinneqaratik, Aalisarnermut Piniarnermullu Naalakkersuisoqarfik tusagassiuutinut taama allappoq.
Kitaanili aaffattassat amerleriangaatsiarput. Aaffattassat siorna 38-upput - ukioq-manna 61-inut amerlineqarlutik. Tunumili aaffattassat appariarput 23-iniit 18-inut.
Aarrit pissatat annaasallu nalunaarsornissaat piniartut eqqaamassavaat. 2006-imiit 2009-mut pisaasimasunit piniagaq annaasaq ataasiinnavik nalunaarutigineqarsimasoq immikkut nalunaaruteqartarnissamut immersugassianit takuneqarsinnaavoq.