Malittarisassat nutaat: Nunatsinnit biilersinnaanermik allagartaq Danmarkimi atorneqarsinnaalissaaq

Kalaallit Nunaanni biilersinnaanermik allagartaq Danmarkimi aqussinnaanermik akunnialunnguani ilinniartinneqareernikkut septembarip aallartinneraniit atuutilersumik Danmarkimi atorneqarsinnaalissaaq.

Kalaallit biilersinnaanermut allagartaat danskit biilernermut ilinniartitsisuaniilaaraanni Danmarkimi biilersinnaanermi allagartaatulli septembarip aallaqqaataat aallarnerfigalugu naleqarpoq.

Danmarkimi Angallannermut aqutsisoqarfik malittarisassat nutaat tunngavigalugit paasissutissiivoq.

AAMMA ATUARUK Ventetiden på teoriprøver er steget kraftigt i Nuuk

Kalaallit Nunaanni biilersinnaanermut allagartaq Danmarkimi ulluni 90-ini ullumikkut atorneqarsinnaavoq. Nunatsinni biilersinnaanermut allagartallit ulloq manna tikillugu danskit aqquserngisigut biilissagaangamik nakkutigineqartumik biilernermut misilitseqqaartarsimapput.

Malittarisassalli nutaat maanna tamanna ilinniartitsinernik marlunnik minutsinik 45-nik sivisussuseqartunik taarserneqarpoq. Ilinniartitsinermi illoqarfinni, nunakkut motorvejikkullu biilernermik ilinniartitsinermik imaqassaaq.

AAMMA ATUARUK Kalaallit biilernermut ilinniutaat qanganisarujussuullunilu paasiuminaatsoq

Akunnerit ilinniartitsiffiusut angusiffigigaanni aquttup Nunatsinnit biilersinnaanermut allagartaq saniatigut Danmarkimilu aqqusinertigut angallannermut aqutsisoqarfimmit pappiaraq ilinniarsimanermut uppernarsaataasoq tigummilertassavai.

Kalaallit Nunaanniilli biilersinnaanermut allagartaq aquttup 70-inik ukioqalernissaanut taamaallaat atorneqarneqarsinnaavoq.

Danskilli biilersinnaanermut allagartaannik peqalernissaq kissaatigigaanni danskit biilersinnaanermut ilinniartitsisuani nakkutigineqartumik misilitsinnerit ingerlanneqaqqaassapput.