99-inik ukiulik pisuttuarluni millionerpassuarnik katersisoq

Coronavirus assigiinngitsutigut ajornartoortitsigaluartoq nuannersunik aamma oqaluttuassaqarpoq.

Sakkutuuiarneq 99-inik ukiulik Tom Moore, Tuluit Nunaanneersoq, assersuutigineqarsinnaavoq.

Sakkutuuiarneq Moore siffissamigut ajoqusernermi kingorna pisuttaateqarpoq, naatsiivimminilu ullormut 25 meterinik hunnorujoriarluni apriilip ulluisa 30-anni hunnorujuliinnginnermini pisunnissani siunniussimavaa.

102 millionit koruunit katersorsimagai

Tom Moorep naatsiivimmini pisuttuartarnera ilaqutaasa videoliarisimavaat, videoliarlu inuit internetikkut attaveqaqatigiiffini siammarterlugu.

Moore tusagassiutini poorskikkunni sammineqangaatsiarpoq, napparsimmavinnilu sulisut tapersersorneqarnissaannut aningaasat katersorneqartut imaaginnavissimallutik.

Tom Moorep aningaasat 12 millionit pundit, imaluunniit 102 millionit koruunit missaat sisamanngorneq ilanngullugu katersorsimavai.