93-inik ukiulik rapertartoq
Greta Segersonip inunngornermini allagartaa naapertorlugu 1915-imi inunngorsimavoq, rap-ernermulli soqutiginnileqqammivoq. Greta Segerson ukiut marluk matuma siorna, juulleriartortoq rap-ernermik soqutiginnilersimavoq. Taamani Greta utoqqaat illuanni pisarnermisut juullisiutinik erinarsoriaqqusaagami, ukiorpassuit pissutsit allanngorneq ajortut qatsullugit rap-erusulersimavoq. Maannakkut najugaqarfimmini umiartortut niperujoorutitoqaat allanngortillugu rap-erutigalugu tusaamasannguutigaa.
Greta Segersonilli tusaamasaanini killeqassasoq oqaatigaa; - 94-nik ukioqaleruma tunuartariaqalissaanga, utoqqannguaq oqarpoq.
Kalaallit Nunatsini utoqqaat illuini rap-ernissaminnut piumassuseqartut taamaalilluta kaammattuinarsinnaavagut, sulimi juulleqqajanngimmat periarfissaqarput.
