864-it tunillatsissimasutut paasineqartut
Danmarkimi inunnit 4446-nitt misissuiffigitittunit 827 coronavirusimik tunillatsissimasut paasineqarpoq. Aamma Savalimmiuni tunillatsissimasutut paasineqartut tallimanngormamit pingasoriaammik amerleriarput.
Danmarkimi tunillatsissimasut suli amerliartorput
Allattoq Ritzau
marsip 15-at 2020 14:46
Nutserisoq Ivik Kristiansen
Danmarkimi inuit 864-it coronavirusimik tunillatsissimasutut arfininngornermi ullaakkut paasineqareerput.
Tunillatsissimasulli suli paasineqanngitsut ilanngullugit tunillatsissimasut suli amerlanerussangatinneqarput.
Tamanna Danmarkimi oqartussat coronavirusimik akiuinerminnut periusissiaminnik allanngortitsinerannut atassuteqarpoq.
Napparsimanerpaat sanngiinnerusullu nassaarinissaat maanna ukkatarineqarmat taakkuinnaat misissuiffigitittassasut periuserineqarpoq.
Danmarkimi tunillatsissimasut saniatigut Savalimmiuni aqqanillit tunillatsissimasut paasineqarput. Tassalu tunillatsissimasutut paasineqartut arfininngornermit pingasunik amerleriarput.
