Ukrainep sakkutuui: Russit sakkutuui 800-nit ikinnerunngitsut toquppagut

Russit sakkutuui Donetskimi Bakhmutip ilaani saassussilersaartut, Ukrainep sakkutuuisa aqutsisui oqarput.
- Russit 800-nit ikinnerunngitsut toqutaapput, timmisartoq aammalu qulimiguulik sorsuutillu qamutit pingasut sequmippagut, Kyivimi sakkutuut nalunaarput. Assi © : Stringer/Reuters/Ritzau Scanpix
Allattoq Ritzau
januaarip 05-at 2023 08:52
Nutserisoq Karline Platou

Ukrainemiut sakkutuuisa ullaaq manna nalunaarutigaat, Ukrainep kangiatungaani Donetskimi ullup unnuallu ingerlanerani akersuunnerminni russit sakkutuui 800-t missaanniittut toqussimagitsik.

Taamatuttaaq nunat killiit nalunaarput Ukrainemiut atugassaannik qamutinik sorsuutinik qaleruarsualinnik nassitsilersaarlutik, oqaatigineqarporli sorsuutit taama ittut Ukrainemiut kissaatigisarinngikkaat.

AAMMA ATUARUK Zelenskyjip USA-mi Kongressi ataatsimeeqatigissavai Bidenilu naapissallugu

- Russit 800-nit ikinnerunngitsut toqutaapput, timmisartoq, aammalu qulimiguulik sorsuutillu qamutit pingasut sequmippagut, Kyivimi sakkutuut taama nalunaarput, ilanngullugulu aamma erseqqissaatigaat, russit illoqarfinnut Bakhmutimut Donetskimilu illoqarfinnut marlunnut silaannakkut igeriuttakkanik illoqarfinnut taakkununnga sussaajunnaarinnillutik saassussimmata aammalu timmisartumiit eqqaarsarinnimmata inuit tamaani najugallit sakkutuujunngitsut arlalippassuit toqutaasimasut.

Russilli sakkutuui inuinnarnik, tassa sakkutuujunngitsunik, toqutsisuunerarneqarnertik pillugu pisuunnginnerarput.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk