Umiatsiaq 80-inik qimaasunik issimasulik Tunisiap eqqaani kinngusoq
Nutaarsiassaqartitsivik AFP naapertorlugu Tunesiap sinerissami alapernaarsuisui taama nalunaaruteqarput.
Inuit sisamat annaanneqarput, taakkunanili ataaseq kingusinnerusukkut toquvoq.
Inuit 80-it ipisimanissaat ernumagineqartoq Naalagaaffiit Peqatigiit qimaasunut qullersaqarfiannit sisamanngormat unnukkut nalunaarput.
- Pissutsit allanngortariaqarpagut, qullersaqarfiup Imaq Akullersuarmut aallartitaa, Vincent Cochetel oqarpoq.
- Aatsaat allamik iliuusissaqarsinnaasorinngikkaanni ilaqutaminik taama navianartigisunik umiatsiartitsisoqartarpoq. Inuit uku umiatsianut ikinnginniassagamik allanik iliuusissaqartittariaqarpagut, aallartitaq oqarpoq.
Nutaarsiassaqarititsivik AP naapertorlugu umiatsiaq 86-inik issimasoqartoq
Tunesiami qimaasut pillugit oqartussaasut paasissutissiissutigaat.
AP naapertorlugu inuit pingasut aniguipput. Sinneri maqaasineqarput.
Tunesiap avataani maajimi umiiartoqarmat qimaasut ikinnerpaamik 65-it ajunaarput.
Umiatsiaq qimaasunik issimasoqarluni Libyamit Europamukartilluni umiiarpoq.