76-inik ukiulik timmisartumit nassaarineqartoq
Angut 76-inik ukiulik Narsap eqqaani ujaarineqartoq qallunaat sakkutuuisa timmisartuannit Herculesimit qanittukkut nassaarineqarpoq.
Allattoq Louise M. Kleemann
Angut utoqqaq taanna qeqertannguami ulluni marlunni unnuisariaqarsimavoq, nassaarineqarnermilu nalaani timaa nillersimasupilunngoraluarsimalluni.
Angutip umiatsiaaraa timmisartumit sumisssusersineqareermat qulimiguulik sakkutuut umiarsuaannit Vædderimeersoq annaassiniartinneqarpoq. Angut utoqqaq Narsami napparsimaviliaanneqarnermi kingorna angerlartinneqareersimavoq.