74-nik ukiulik meqqat assigininik atisaqanngitsunik pigisaqarsimasutut pineqaatissinneqartoq

Sermersuumi politiit tusagssiuutinut nalunaaruteqarlutik taama allapput

Angut taanna meeqqat atisaqanngitsut assinginik  70.000-it missaanniittunik videolianillu 3.000-it missaannik amerlatigisunik pigisaqartutut pineqaatissinneqarpoq, taamatullu assinik videolianillu siammarterisimasutut.

Angutip qaammatini arfineq pingasuni pineqaatissinneqarsimasunut inissiisarfimmiitinneqarnissaa unnerluussisussaatitaasup piumasarigaluarpaa, qaammatinili arfinilinni pineqaatissinneqarsimasunut inissiiarfimiitinneqarnissaa eqqartuussiviup aalajangiiffigaa.

Assinik videolianillu siammarterisimasutut pinngitsuutinneqarnissaminik pineqaatissinneqarninilu sivikillisinniarlugu unnerluussut nunatta eqqartuussisuuneqarfianut suliassanngorteqqippaat.  

Sermersuup eqqartuussiviani pineqatissiissutigineqartoq politiinit iluarisimaarneqarpoq.