64-inik ukiulik sulitilluni ajunaartoq
64-inik ukiulik umiarsuarmit ujaqqanik usingiaatilluni ataasinngornermi ajutoortoq, Nuummi politiit ilisimatitsissutigaat.
Allattoq Christine Hyldal
64-inik ukiulik Tasiilami sulitilluni ajunaarpoq, Nuummi politiit ilisimatitsipput.
Angut umiarsuarmit ujaqqanik usingiaatilluni ajutoorpoq. Ajutoornerup kingorna Tasiilami napparsimmaviliaanneqaraluarpoq inuunerali annaanneqarsinnaasimanngilaq.
Angutip ilaqutai kalerrinneqareersut, Nuummi politiit aamma ilisimatitsissutigaat.
Sullivinnik Nakkutilliisoqarfik Imarsiornermillu Aqutsisoqarfiup ajutoornermi pisut nassuiaasissagaat, politiini pigaartut, pisortaata KNR-imut ilisimatitsissutigaa.