60-it Black Angelimi sulileriaannaapput
Angus and Rossikut suliffeqarfiutaata Black Angel Miningip sinniisua februaarip naajartulernerani Uummannamut tikippat inuit 60-it missaannik amerlassusillit Maarmorilimmi atorfineriaannartut uppernarsaateqariissapput. 45-t immikkoortut pingasut aqqusaarlugit tuluttut pikkorissarsimapput. Kiisalu 16-it qaartiterineq qaarusummilu atortunik motooritalinnik ingerlatsisinnaasutit qaarusulerisinnaasutullu uppernarsaateqareerput.
Black Angel Miningip sinniisua tikippat paasissutissiilluni ataatsimiititsisoqassaaq, aammalu inuit sulerusuttut ataasiakkaarlugit oqaloqatigineqassallutik. Oqaloqatiginninnerit aallaavigalugit sulisunik aallanik pisariaqartitsisoqarnersoq paasinarsissappat Namminersorlutik Oqartussat peqatigalugit ukiap ingerlanerani pikkorissaaqqittoqarsinnaassanersoq paasinarsissaaq.