59-inik ukiulik Maniitsumeersoq politiinit ujaarineqarpoq

Emil Biilmanna marlunngormat kingullermik takuneqarpoq.
Angut septembarip 16-ianni maqaasineqartut politiinut nalunaarutigineqarpoq. Assi © : Privat
Allattoq Nutaarsiassaqartitsivik / Nyhedsredaktionen
septembarip 18-at 2022 11:48

Angut 59-inik ukiulik Maniitsumeersoq politiinit ujaarineqarpoq. Taanna septembarip 13-ianni suliartorsimanngilaq ullorlu taanna ilaquttaminit kingullermik takuneqarsimalluni.

Kalaallit Nunaanni Politiit tusagassiuutinut taama nalunaarput.

Angut septembarip 16-ianni maqaasineqartut politiinut nalunaarutigineqarpoq.

Ujaarineqqartoq, Emil Biilmann 160 centimerisut angissuseqarpoq nerinnalaartuulluni naatsunik qinnertunik nujaqarluni. Isaruaqarpoq tungujortumik ulluinnarni atortakkaminik jakkeqarpoq tungujortoq-taartumik qalipaatilimmik qarleqarluni, tassa cowboybukseqarluni, kamippaqarpoq qernertumillu nassaqarluni.

Ujaarineqartup sumiissimasinnaanera imaluunniit angallammik aallarsimasinnaanera politiinit ilisimaneqanngilaq.

Emil Biilmann innuttaasunit takuneqarsimappat imaluunniit attavigineqarsimappat tamanna politiinut nalunaarutigeqquneqarpoq oqarasuaammut 70 14 48-mut tassa 70 14 48-mut.

Aamma atuaruk