570.000 koruunit Neriuffimmut tunniunneqassapput
- Soqutiginninneq taama annertutigisoq inuiaqatigiinninngaanniit takutinneqarmat qamannga pisumik qujassutigisorujussuuarput, Johanne Olsen oqarpoq.
Taassuma maluginiarpaa kræfteqalernermi ajornartorsiutit aporfiusartut qaangerneqarnissaat inuiaqatigiit akornanni kissaatigineqartoq.
Johanne Olsenip aningaasat isertinneqartut kisiisa atorlugit qaangiiniartoqarsinnaannginnera erseqqissaatigaa, aningaasallu isertinneqartut ima atorneqarnissaat oqaatigalulu:
- Kræfteqariaatsit assigiinngitsut pillugit paasissutissat kalaallisuunngorlugit naqiterneqarnissaat sulissutigisinnaavarput, taavalu angalaniarnermi angalaqataasinnaasut periarfissaat pillugit paasissutissanik suliaqarluta, kiisalu meeqqat inuusuttuaqqallu kræfteqalersimasut qinnuteqarfissaannik pilersitsiniarnerput naammassisinnaalissaaq, kiisalu kræfteqalersimasut oqarasuaatikkut psykologimik siunnersorneqarsinnaalernissaat eqqarsaatitsinniippoq, Johanne Olsen oqarpoq.
