500 koruuni nutaaq saqqummilerpoq
500 koruunimi nutaami assiliartaavoq Alexandrines bro aamma Mønip ikaaartarfianik taaneqartartoq. Nationalbanken 2009-mi aallartittumik aningaasanik saqqummersitseqattaarpoq qallunaat ikaartarfiit itsarnitsanillu nassaat assitaritittarlugit. Aningaasap nutaap tunuani assiliartaavoq Møn-imi Keldbymi nassaaq spandi bronzeusoq. Eqqumiitsuliortoq Karin Birgitte Lund aningaasamik nutaamik ilusilersuisuuvoq.
- Danmarkimi aningaasat nutaat saqqummersinneranni siunertaavoq pitsaanerusumik isumannaallisaanissaq. Aningaasat nutaat isumannaallisaaneq eqqarsaatigalugu arlalitsigut atortuligaapput assersuutigalugu hologram ujalussiaasarlu maligaasanik aalasinnaasunik assiliartalik. Isumannaallisaanermut atortut taakku iluaqutigalugit aningaasaasaliorniartartut killilersimaarniarneqassapput, taama Nationalbanken nalunaarpoq.
1.000 kroner nutaaq aamma maajimi ukiormanna saqqummissaaq. Aningaasat nutaat saqqummereeraluartut aningaasat pisoqaanerit suli atorsinnaassapput.