47-nik ukiulik hashimik 12 kiilumik eqqussisimasutut eqqartuunneqarpoq

Angut 47-nik ukiulik Københavnimeersoq ikiaroornartumik hashimik 12 kiilumik Nunatsinnut marloriarluni eqqussisimasutut ukiup pingajuata qeqqa parnaarussassanngortinneqarpoq.
Allattoq Mads Lynge
januaarip 16-at 2010 13:29

Angut Roskildep eqqartuussiviani eqqartuunneqarpoq. Frederiksborg Amts Avis-ip nittartagaani taama allaaserinnittoqarpoq.

Angut 41-nik ukiulik Nuummeersoq ikiaroornartumik eqqussinermut atatillugu aamma pineqaatissinneqarsimasut inissiisarfimmiittussanngortinneqarpoq.

Hashi assartuisartut Blue Water Grevemeersut aqqutigalugu siorna marsimi aggustimilu Nunatsinnut nassiunneqarput.

- Ikiaroornartoq Kalaallit Nunaannut nassiunneqarsimammat pineqaatissiineq sakkortunerulersinneqarpoq. Inuiaqatigiit illersorniarlugit taama iliortoqartarpoq, ajornartorsiutimmi amerlaqaat, Sune Ploug Sørensen, Midt- og Vestsjællands Politiivineersoq oqarpoq.

Hashimik eqqussisimasutut eqqartuunneqartoq Carsten Sælæ ikiaroornartumik Nunatsinnut eqqussisimasutut siornatigut pineqaatissinneqarnikuuvoq, 2000-imi eqqartuunneqarami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq