Politeeq niaqqumigut aallaaneqartoq toquvoq
Politiip aallaaneqartup inuunera ulorianartorsiunngitsoq Danmarkimi ippassaq ullup qeqqata missaani nalunaarutigineqaraluarpoq, qanoq-issusiali ajorsiartortoq ippassaq ualikkut nalunaarutigineqarluni.
43-nik ukiulik Københavns Vestegns Politiivini qimmilisartartuuvoq, Albertslundillu politiivisa politeeqarfiata eqqaani niaqqumigut illuinnarsuut kaliber 22-q atorlugu ippassaq ullaakkut nalunaaqutaq qulingiluanut tanneq sisamanngortoq aallaaneqarluni.
Angut 26-nik ukiulik Glostrupimi eqqartuussivimmit sapaatip-akunnerini sisamani tigummigallagassanngortinneqarpoq, politiimik toqutseriarsimasutut tigummigallagassanngortinneqarluni.
26-nik ukiullip tarnimigut misissorneqarnissaa aamma aalajangerneqarpoq.
Angut suliami pinngitsuunerarpoq, inatsillu tunngaviusoq aallaavigalugu killisiorneqarami oqaaseqarusussimanani.