40-nik ukiulik utoqqaat illuanni inissinneqarpoq

Angut 40-nik ukiulik qaratsamigut aanaartoorsimasoq Qaqortumi utoqqaat illuannut ullaap tungaa inissinneqarpoq, Qaqortup Kommuneata Ilaqutariinnermut Pisortaqarfimmut naammagittaalliuutigisaanik.

Qaqortup borgmesteria Simon Simonsen ima oqarpoq:

- Inunnik isumaginninnermut naammagittaalliortarfimmit ilalerneqarnissarput, naalakkersuisullu akisussaaffimmik tigusitinneqassasut allagaqaateqarnitsigut neriuutigaarput, Simon Simonsen oqarpoq, nangillunilu:

- Sivisuallaanngitsumik utaqqiisaagallartumillu utoqqaat illuanni angutip inissisimanissaa kissaatigigaluarparput, periarfissallu atorluarlugit taamatut ingerlariaqqinissaa piaarnerpaamik periarfissiikkusukkaluarparput, Simon Simonsen oqarpoq.

Angutip innarluuteqartup sumut inissinneqarnissaa periarfissarsiuunniarlugu Ilaqutariinnermut naalakkersuisup Aleqa Hammondip oqaatigaa, visitationsnævnilli aalajangigaa tamatumunnga tunngaviliisuussussaasoq aamma oqaatigaa:

- Annertuumik innarluutilinnik ikiorsiisarnermut peqqussut 2000-imeersoq taamaallaat malissinnaavara, tulleriissaarinermullu ataatsimiititaliap nalileeqqaartussaassaaq Ilaqutariinnermut naalakkersuisoq Aleqa Hammond oqarpoq.