40-nik ukiulik ipilluni ajunaartoq
Angut 40-nik ukiulik Uummannap umiarsualiviani ipeqqasoq ippassaq ualikkut nassaarineqarpoq.
Allattoq Louise M. Kleemann
marsip 01-at 2010 08:28
Angut sapaammi ullaassakkut nalunaaquttap pingasut-sisamallu akornanni pujortuleeqqamut inuttaaffimminut ikaarniartilluni, immamut nakkarluni ajunaarsimassangatinneqarpoq.
Pisumut tunngatillugu pinerluttoqarsimaneranik takussutissartaqanngitsoq, avannaani immikkoortortaqarfimmi politiit pisortaat Bo Borgnæs oqarpoq.
Angallatinut ikaartoqassatillugu mianersorluartarnissaq, politiinit aamma kaammattuutigineqarpoq.
